أتكلم معكم اليوم عن معشوقة السوق المصرى............................اللانسر لقد حققت هذه السيارة مبيعات مهولة فى السوق المصرى و أقبل على شرائها جميع الفئات العمرية من الشعب خصوصا الشباب لما فيها من رفاهية و جودة الصناعة و قوة المحرك و السعر المعقول و من المؤكد أن هناك الكثير من الناس يحتاجون شراء سيارات هذه الأيام و لكنهم ممتنعون أنتظارا لوصول الجوهرة الجديدة فهل تحقق متسوبيشى أمالهم و توفر لهم سيارة أحلامهم المنتظرة......؟؟؟
أثناء أنتظارنا جميعا قررت عمل هذا الموضوع لأوضح المستوى و الأداء المتوقعين عنها و بعض الأخبار التجسسية عنها و ذلك نقلا عن بعض المجلات و من المتوقع أن تنزل السيارة فى الأسواق المصرية فى شهر سبتمبر المقبل و لقد بدء تسويق السيارة فى الولايات المتحدة فعليا ولكن السيارة تباع هناك بمحرك 2000 سى سى و موصفات مختلفة تماما عن السيارات اللتى تدخل مصر
تعالو معى نتكلم عن معبودة الجماهير المنتظرة
ذكر عن أحد وكلاء أوروبا أن اللانسر الجديدة سوف تتوافر بخمس محركات مختلفة أربعة منها يابانية و الخامس محرك يعمل بالديزل من VW و المحركات الخمسة سوف تكون فوق الخط الفاصل بين المحركات القوية و المحركات الضعيفة يعنى المحرك اللى يهمنا اللى هو 1600 سي سي هيكون فوق ال120 حصان
جسم السيارة الجديدة تم تطويره بشكل كبير على أساس هندسى رائع يتيح توزيع قوة الصدمات على مختلف أجزاء السيارة بنسبة 56% أفضل من الموديل الحالى مما يقلل من تأثير الصدمات و الجدير بالذكر أن مهندسين ميتسوبيشى قد راعوا الأستبدال السريع للمقدمة كجزء و احد مما يغنى عن أعمال السمكرة الممتدة الى باقى أجزاء حوض المحرك و ده كان عيب فى الرينو ميجان فى رأى الناس فى مصرمع أنها بتزود عوامل الأمان والناس أعدت تشتغل نفسها و يقولو جسمها ضعيف و بتاع أما نشوف هيعملوا أية مع اللانسر ملكتهم المتيجة
بالنسبة لعوامل الأمان السيارة بتنزل بره فيها سبع وسائد هوائية فهل فى مصر الناس ليها قيمة و هيحطوا السبعة ولا السعر أهم من الناس و هيكتفوا بأثنين زى الموديل الحالى الله أعلم وكمان السيارة هتبقى مزودة بفرامل ABS و نظام توزيع القوى EBD فى الفئات العالية منها
النظام الصوتى 140-watt CD/MP3 موصل بأربع سماعات و موجود معاه فى الفئة الأغلى من السيارة CD CHANGER ست أسطونات و فى نظام تانى ماركة ROCKFORD-FOSGATE بقوة 650 وات مكون من 9 سماعات متضمنة SUBWOOFER و CD CHANGER ست أسطوانات بس مفتكرش أنو هيجى مصر و لو جية هيبقى أوبشن أضافى
الجير السيارة هتنزل بجير عادى خمس سرعات أو جير أوتوماتيك بنظام ال CVT الشهير و بتنزل برة بنظام الفرميولا وان كمان يعنى ذراعين ورا الدريكسون واحد يزود النقلة والتناى يقللها بس دة غالبا مش هيجى مصر
ككل متسوبيشى لعبتها صح هذه المرة و السيارة لها سمعة جيدة فى الخارج و دة فى رأيى الشخصى من أجمل التصميمات اللى نزلت فى هذه الفئة من السيارات و كمان العربية هندسة الصناعة فيها متطورة جدا و السيارة قمة فى الرفاهية لكن السؤال الأهم هل سعر السيارة هيرتفع كتير عن الموديل الحالى.....؟؟؟؟ فى رأى المتواضع أعلى فئة فى هذه الطيارة غالبا هتكون بين 130 و 140 ألف جنية و نستنى نشوف المصرية للسيارات هتعمل أية و ربنا يستر
نبقى على أمل أن تنزل السيارة الأسوق المصرية فى شهر سبتمبر المقبل و ننتظرها بكل الشوق و الى هنا أنتهى الموضوع وأتمنى أن الموضوع يعجبكو
************************************************** *********************** أخبار جديدة يا بشر
سعة المحرك : 1499 سى سى و 16 صمام DOHC بتقنية MIVEC القدرة الحصانية : 109 حصان عند 6000 RPM العزم : 145 نيوتن/متر عند 4000 RPM